قصيدة الشاص للشاعر عايض صالح الرشيدي

راع الحشاوى

يالعيـن لـدي وانـضـري للمراقـيـبشـوفـي خرايمـهـا خلـيـاً تـهــاوى

تفجـا القلـوب مقـفـلات الدوالـيـبالـي عـلـى صـكـات بقـعـا تـقـاوى

دار الصبـا قــدام لايضـهـر الشـيـبواتـفـرق العـربـان بـعـض الفـتـاوى

دراً علاج اهـل القلـوب المعاطيـبمن دون شـوف جبالهـا ماتشـاوى

صـارت علينـا مثـل حـب الرعابيـبلفحة هواهـا مـع هواهـن تسـاوى

فيها رعينا الـذود حـرش العراقيـبواحيـان مـع راع الفريـق انتـخـاوى

اهـل البـيـوت مكثـريـن التراحـيـبمقـدمـة للضـيـف هـبــر الـعــداوى

ناساً بطيـب قلوبهـا تملـك الطيـبلاجاهـم القلـب العلـيـل ايـتـداوى

حيّاً عليهم تطلع الشمس وتغيـبماوى لمن ضاقت به السبل ماوى

من عقب راحو ماتشوف المعازيـبكــم ليلـتـاً فيـهـا رقـدنــا مـقــاوى

على مراح ضعونهـم يقنـب الذيـبوانـا ضلـوعـي مــع قنيـبـه تـعـاوى

عليهـم عـروق الضمايـر محاطـيـبوالله مالوم العـود راع (الحشـاوى)

نجمة الفرغديني

ياحمـود ويـن الـي مـن الـعـام ياحـمـودالـــي لـــو ابـطــت جـيـتـي يحتـريـنـي

مـاشـوفـلـه يـاحـمــود بالمـنـطـقـه رودمـــدري رحـــل والا كـلـتـه السنـيـنـي

عليـه مـن طـرق الهـوى ماعلـى العـودوانـــــا عـلــيــه مــعـــاود الـقـريـتـيـنـي

غـيـر التمـنـي والعـنـا مـاكـسـب فـــودالا مـشــاهــد نـجــمــة الـفـرغـديـنــي

الله لايــجـــزا هـــــوى بـــــارد الـــنـــودالــي عـلـى بـعــض الامـــور تحـديـنـي

تمضـيـبـنـا الايــــام والاجــــل مــحــدودو اخـيـر مــن دنـيـا الـشـقـا ركعتـيـنـي

ثـلـث الاخـيـر ومـعـضـم الـعـالـم رقـــودعـسـاه يغـفـر ذنـــب قـلـبـي وعـيـنـي

مذهـب ومذنـب والمواقـف لهـا شهـودشـيـئً يبـيـن وشـــي صـعـبـاً يبـيـنـي

يـامـن ذكـرلـي بكـرتـي يـاهــل الـــذودالــي عـلــى رقـبــة امـهــا نقطتـيـنـي

واسم اخو هدباء كاسب الطيب والجودمعـطـي بـنـات مهجـرسـات الحنـيـنـي

وضحـا غفـل وعيونهـا رموشهـن ســودهــديــة الـطـيــب عــلــى الطيـبـيـنـي

سمراء (الذويبي) (والدميثه) لها حدودمـدهـال ذود الصـلـف قـبـل اسنتيـنـي

والـيـوم عـنـهـا شـــد والـعـلـم مـاكــودشال وقطع مع خشم (وسمه) يمينـي

عقب العسوس الس عسـا مالهـم رودشـلــو وسـيــج سـويـلـم الذاهبـيـنـي